ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានរម្លឹកពីសេចក្ដីថ្លែងការសន្ទុកឆ្នាំ២០០២ដែលសម្ដេចប្រកាសថាឃុំមួយអនុវិទ្យាល័យមួយបានសម្រេចជោគជ័យរួចហើយ ខណៈបច្ចុប្បន្នឃុំមួយអនុវិទ្យាសល័យយ៉ាងតិចមួយដែលត្រូវបន្តដើម្បីធានាដើម្បីឱ្យសិស្សមានសាលារៀនដើម្បីកុំឱ្យលំបាកក្នុងការដើររកសាលារៀនដូចសម័យមុន។
ថ្លែងក្នុងពិធីចែកសញ្ញាបត្រជូនដល់គរុសិស្សនៃវិទ្យាស្ថានជាតិអប់រំព្រឹកថ្ងៃទី២៥ ខែមេសា ឆ្នាំ២០២៣ នេះ សម្ដេចតេជោ ហ៊ុន សែន បានលើកឡើងថាសម្ដេចក៏ធ្លាប់ចាកចេញពីស្រុកកំណើតដើម្បីមកស្វែងរកការសិក្សា ហើយបន្ទាប់ពីរំដោះសាលារៀននៅកម្ពុជានៅតិចហើយសិស្សក៏ត្រូវចេញពីស្រុកកំណើតទៅស្វែងរកសាលាផងដែរ ដែលខុសពីបច្ចុប្បន្នដែលការរៀបចំសាលារៀនកាន់តែកៀកនឹងប្រជាពលរដ្ឋ។
សម្ដេចតេជោបានលើកឡើងថាការធ្វើឱ្យសាលាកាន់តែកៀកនឹងពលរដ្ឋបានធ្វើឱ្យអត្រាបោះបង់ការសិក្សាកាន់តែថយចុះ ដែលជាសញ្ញាវិជ្ជមានសម្រាប់ប្រទេសកម្ពុជាទៅថ្ងៃអនាគតផងដែរ៕
